درین باخشیندا
درین باخشیندا
سید و روحانی شهید آدنی
گوزل یاراشدیردین ناصر آدیوا
ناصر دین اولدون حقیقتا سن
قیزرقانمایبسان دوز امدادیوا
______________________
شهادت فیضنه چوخدان چاتیبسان
بیز یته بیلمریخ توز دومانوا
دنیا زرق و برقین گوزدن آتیبسان
سنگرده باتاندا قیزیل قانوا
______________________
آذر اولکه سیندن شربیاندان
گور نجه آلیبدی اوجنا جانین
شلمچه یوردوندا قهرمان اولان
باشینی اوجادی آذربایجانین
______________________
سید سن اولاد پیغمبردن سن
باشیندا عمامه ن ملک تاجیدیر
باخیرام دشمنه اییلمیب سن
قامتین شمشاد دیر سرو آغاجیدیر
______________________
کربلا سفرین نه اوزون چکدی
ایلر بوی گوزلر یولونداقالدی
آنا نجه دوزر بو انتظاره
باجینین الری قوینوندا قالدی
______________________
گدنده دمیشدین آنا آغلاما
آقام حسین منی دعوت ایلییب
آرزوینان« یا لیتنا» دمیشم
فوز شهادتله وصلت ایلییب
______________________
بیلمدیم پیکرون نجه دوغراندی
اکبرتک جنازن اله گلمدی
پوتونون تاپلیب یا که پلاکین
قومقوماندان بیر کسه خبر بیلمدی
______________________
درین باخیشیندا نور جمالیندا
شهادت آیه سی معنا اولونور
قوخماز قیافنده دوون قاشیندا
یارانان حماسه آشکار گورنور
______________________
اوجور کی باخیرسان ایشیق اوفقا
ایله بیر گورورسن آینده میزی
انقلاب پرچمین دنیایه وروب
آزادلیق اسقلال پاینده میزی
______________________
اوتوز بهاریدیر گولون سولمایب
سولدور ماز بو گولو زمان یلری
هر شهید گلنده گول تزه لنر
بوریر لاله لر بوتون چولری
______________________
امام زمانین سربازی سن سن
علم سنگرینده جهاد چاغیندا
بیر الده اسلحه بیر الده قرآن
قورو دون وطنی سنگر باغریندا
______________________
آنلوا باغلادین پیشانی بندی
یا حسین شوقیله جبهیه گدین
«هل من ناصرینه» لبیک سویلدین
شهادتله فیض عظمایه یتدین
______________________
سنی آندا ورروخ آنان زهرایه
الیم اتگیندن توکدمیه سن
دوشن پیکرلره قانلی صحرایه
شفاعتدن بیزی اونودمیاسان
______________________
جانا حدیث حسنت در داستان نگنجد